Bollywood Movies & Series Trailer Teaser : વર્ષ 2023માં આપણે ઘણી મોટી ફિલ્મોની રીલિઝ જોઇ છે. આ વર્ષની શરૂઆત શાહરૂખ ખાને પોતાના ધમાકેદાર ફિલ્મ ‘પઠાણ’ સાથે કરી હતી. તે પછી સની દેઓલની ‘ગદર-2’એ બોક્સ ઓફિસ પર ગદર મચાવી તો હવે શાહરૂખની ‘જવાન’ બોક્સ ઓફિસ પર કમાણીના બધા રેકોર્ડ તોડવા તરફ આગળ વધી રહી છે.

ત્યારે હવે મોટા પડદા સાથે સાથે ઓટીટી પર પણ કેટલાક સારા એવા પ્રોજેક્ટ્સ આપણને આ વર્ષે જોવા મળશે. જેમાં પુલકિલ સમ્રાટ અને ઋચા ચડ્ડા સ્ટારર ફિલ્મ ‘ફુકરે 3’, શિલ્પા શેટ્ટીની ‘સુખી’, કરીના કપૂર અને વિજય વર્માની ‘જાને જાન’ સામેલ છે. ગત સપ્તાહે જ કેચલીક દિલચસ્પ ફિલ્મોના ટ્રેલર અને ટીઝર રીલિઝ થયા છે.

1) ફુકરે 3 Fukrey 3

બોલિવૂડ સ્ટાર્સ પુલકિત સમ્રાટ, વરુણ શર્મા અને મનજોત સિંહ કમબેક કરી રહ્યાં છે. ફિલ્મ ફુકરે 3નું ટ્રેલર ગત અઠવાડિયે જ રિલીઝ થયું હતું, જેમાં આ ત્રણેય સાથે પંકજ ત્રિપાઠી અને ઋચા ચઢ્ઢા જોવા મળ્યા હતા. આ વખતે ફૂકરેની ટોળી ભોલી પંજાબનથી રાજનીતિના મેદાનમાં લડાઇ લડવાની છે. આ ફિલ્મ 28 સપ્ટેમ્બરે સિનેમાઘરોમાં રિલીઝ થશે.

2) બંબઇ મેરી જાન Bambai Meri Jaan

અવિનાશ તિવારી અને કે કે મેનન વેબ સીરિઝ ‘બંબઇ મેરી જાન’ સાથે એમેઝોન પ્રાઇમ વિડિયો પર આવવાના છે. આ સિરીઝની કહાની દારા કાદરી નામના એક છોકરાની છે, જે પોલીસકર્મીનો દીકરો હોવા છતાં ગુનાની દુનિયામાં જાય છે. દારા બોમ્બેમાં પોતાનું વર્ચસ્વ સ્થાપિત કરવા માંગે છે અને અંડરવર્લ્ડના લોકોને મળે છે. આ શોમાં કાર્તિક કામરા અને અમાયરા દસ્તુરે પણ કામ કર્યું છે. આ શો 14 સપ્ટેમ્બરથી સ્ટ્રીમ થશે.

3) જાને જાન Jaane Jaan

કરીના કપૂર નેટફ્લિક્સ પર તેની ફિલ્મ ‘જાને જાન’ લાવી રહી છે. આ તેની OTT ડેબ્યૂ છે. ફિલ્મની કહાની એક મહિલા પર આધારિત છે, જે પોતાના ઘરના બંધ દરવાજા પાછળ કેટલીક શંકાસ્પદ વસ્તુઓ કરી રહી છે. મુંબઈથી એક પોલીસકર્મી જાણવા માટે આવે છે, પરંતુ મહિલા તેને પણ ફસાવે છે. આ ફિલ્મમાં કરીના સાથે વિજય વર્મા અને જયદીપ અહલાવત પણ છે. આ ફિલ્મ 21મી સપ્ટેમ્બરથી સ્ટ્રીમ થશે.

4) થેંક્યુ ફોર કમિંગ Thank You For Coming

ભૂમિ પેડનેકર, કુશા કપિલા, શહેનાઝ ગિલ અને ડોલી સિંહ ફિલ્મ ‘થેંક યુ ફોર કમિંગ’ સાથે મોટા પડદા પર આવવા જઈ રહ્યા છે. આ ફિલ્મની કહાની એક છોકરી પર આધારિત છે, જે સેક્સ્યુઅલી એક્ટિવ છે, પરંતુ ક્યારેય ‘ચરમસુખ’ હાંસલ કરી શકી નથી. આ તકલીફ તે તેના મિત્રો સાથે શેર કરે છે. આ કહાનીમાં ઘણા રસપ્રદ ટ્વિસ્ટ છે. આ ફિલ્મ 6 ઓક્ટોબરે સિનેમાઘરોમાં રિલીઝ થશે.

5) સુખી Sukhee

શિલ્પા શેટ્ટી પોતાની ફિલ્મ ‘સુખી’થી મોટા પડદા પર પ્રભુત્વ જમાવવા માટે તૈયાર છે. આ વાર્તા સુખી નામની એક મહિલા પર આધારિત છે, જેનું લગ્ન પછીનું જીવન ઘરના કામકાજ અને તેના પરિવારની સંભાળ રાખવા સુધી મર્યાદિત છે. તેને તેના જૂના મિત્રો સાથે ફરી મળવાની તક મળે છે, ત્યારબાદ તે ફરી એકવાર ખુલ્લેઆમ જીવન જીવે છે. આ ફિલ્મ 22 સપ્ટેમ્બરે સિનેમાઘરોમાં રિલીઝ થશે.

6) ચાર્લી ચોપડા Charlie Chopra & The Mystery Of Solang Valley

દિગ્દર્શક વિશાલ ભારદ્વાજ દ્વારા બનાવવામાં આવેલી વેબ સિરીઝ ‘ચાર્લી ચોપરા’ એક મિસ્ટ્રી થ્રિલર છે. આમાં તમે ચાર્લી નામની છોકરીને સોલાંગ ઘાટીના એક અમીર વ્યક્તિના મૃત્યુનું રહસ્ય ઉકેલતી જોશો. આ ફિલ્મ પ્રખ્યાત અંગ્રેજી રહસ્ય લેખક Agatha Christieના પુસ્તક પર આધારિત છે. તે 27મી સપ્ટેમ્બરે સોની લિવ પર સ્ટ્રીમ થશે.

7) દોનો Dono

સની દેઓલનો નાનો દીકરો રાજવીર દેઓલ ફિલ્મ ‘દોનો’થી બોલિવૂડમાં ડેબ્યૂ કરવા જઈ રહ્યો છે. આ ફિલ્મમાં તેની સાથે અભિનેત્રી પૂનમ ધિલ્લોનની પુત્રી પલોમા છે. ફિલ્મ ‘દોનો’ એ બે અજાણ્યા લોકોની વાર્તા છે, જેમના રસ્તા એક લગ્નમાં મળે છે અને પછી તેઓ એકબીજાના પ્રેમમાં પડે છે. આ ફિલ્મ 5 ઓક્ટોબરે સિનેમાઘરોમાં રિલીઝ થશે.

8) વેલકમ 3 Welcome To The Jungle (Welcome 3)

અક્ષય કુમાર તેની 2007ની હિટ ફિલ્મ ‘વેલકમ’નો ત્રીજો ભાગ લઈને આવી રહ્યો છે. તેને ‘વેલકમ ટુ ધ જંગલ’ નામ આપવામાં આવ્યું છે. ફિલ્મમાં અક્ષય સાથે સુનીલ શેટ્ટી, પરેશ રાવલ, સંજય દત્ત, કૃષ્ણા અભિષેક, રાહુલ દેવ, જોની લીવર, તુષાર કપૂર, શ્રેયસ તલપડે, દિશા પટની, રવીના ટંડન અને લારા દત્તા સહિતના ઘણા કલાકારો કામ કરી રહ્યા છે. આ ફિલ્મ આ વર્ષે ક્રિસમસના અવસર પર રિલીઝ થશે. ફિલ્મની અનાઉન્સમેન્ટનો વીડિયો હાલમાં જ રિલીઝ થયો છે.

Shah Rukh Khan starrer Jawan grosses Rs 520 crore globally in 4 days : ફિલ્મ ‘જવાન’થી (Jawan) શાહરૂખ ખાને થિયેટર્સમાં એ દિવસ બતાવવાનું શરૂ કર્યુ, જેનું સપનું ફિલ્મ બિઝનેસ ક્યારનું જોતુ હશે. પહેલા દિવસથી જ થિયટરમાં શાહરૂખની જવાનનો ક્રેઝ લોકોના માથા પર ચઢીને બોલી રહ્યો છે અને આ ખાલી ભારતમાં જ નહિ પણ ઇન્ટરનેશનલ માર્કેટમાં પણ છે.

શાહરૂખની જવાનનો ક્રેઝ

આ વર્ષની શરૂઆતમાં શાહરૂખે ‘પઠાણ’થી (Pathaan) ધુંઆધાર વાપસી કરી હતી. આ ફિલ્મે બોક્સઓફિસ પર કમાણીના એવા આંકડા સ્થાપિત કર્યા જે બોલિવુડ ફિલ્મોએ પહેલા ક્યારેય નહિ જોયા હોય. હવે ‘જવાન’થી શાહરૂખ તો જાણે એ સાબિત કરે છે કે તેના અનલિમિટેડ સ્વેગનો જાદુ બોક્સઓફિસની સાઇઝ એટલી વધારી શકે છે કે કોઇ અનુમાન ન લગાવી શકે.

4 જ દિવસમાં કરી રેકોર્ડ બ્રેક કમાણી

ગુરુવારે જન્માષ્ટમી પર રીલિઝ થયેલી જવાને પહેલા જ દિવસે રેકોર્ડ બ્રેક કમાણી કરી, શુક્રવારે થોડી ફિલ્મ હલ્કી પડી પણ શનિવારે તો આ ફિલ્મે બોક્સ ઓફિસ પર તોફાન લાવી દીધુ. રવિવારે તો જવાને કમાલ જ કરી દીધી. હિંદી ફિલ્મોનો સૌથી કમાણીવાળો દિવસ જવાને લાવી દીધો. 4 જ દિવસમાં જવાને બબાલ મચાવી દીધી.

માત્ર રવિવારનું કલેક્શન 80 કરોડ

ટ્રેડ રીપોર્ટ્સ જણાવે છે કે રવિવારે જવાને ભારતમાં 80 કરોડ રૂપિયાથી વધારેનું નેટ કલેક્શન કરી દીધુ. ચોથા દિવસે શાહરૂખની ફિલ્મનું કલેક્શન 80થી 82 કરોડ રૂપિયા વચ્ચે છે. કોઇ પણ બોલિવુડ ફિલ્મે પહેલીવાર એક જ દિવસમાં આટલી કમાણી કરી હશે. માત્ર હિંદીમાં જવાને રવિવારે 70 કરોડથી વધારેનું કલેક્શન કર્યુ હતુ.

પઠાણ અને ગદર-2નો પણ રેકોર્ડ તોડ્યો

રવિવારના દિવસે કમાણી કરનાર સૌથી મોટી ફિલ્મો પઠાણ અને ગદર-2 પણ 60 કરોડનો આંકડો પાર નહોતી કરી શકી. જો કે, જવાન બોક્સ ઓફિસ પર કમાણીના રેકોર્ડ તોડી રહી છે. જવાને માત્ર ભારતમાં જ નહિ પણ વિદેશી માર્કેટ્સમાં પણ ખૂબ કમાણી કરી છે.

વર્લ્ડવાઇડ ગ્રોસ કલેક્શન 535 કરોડ

વિદેશમાંથી જે કમાણી થઇ છે તેણે ગ્લોબલ બોક્સ ઓફિસ પર શાહરૂખની ફિલ્મને ઘણી મજબૂત બનાવી દીધી છે. માત્ર 3 જ દિવસમાં જવાને 300 કરોડનો આંકડો પાર કરી દીધો અને વર્લ્ડ વાઇડ કલેક્શન 384 કરોડથી પણ વધારે પહોંચી ગયો. 4 જ દિવસમાં જવાનનું વર્લ્ડવાઇડ ગ્રોસ કલેક્શન 535 કરોડ રૂપિયા સુધી પહોંચી ગયુ.

ઇન્ડિયાનો સૌથી મોટો ઇન્ટરનેશનલ સ્ટાર

શાહરૂખ ખાને જવાનથી બોક્સ ઓફિસને હલાવી નાખ્યુ છે. રોજ ફિલ્મની કમાણી એવા એવા રેકોર્ડ બનાવી રહી છે જે ક્યારેય કોઇએ વિચાર્યુ નહિ હોય. પઠાણ બાદ શાહરૂખ જવાનથી બધાને બતાવી રહ્યા છે કે તે ઇન્ડિયાના સૌથી મોટા ઇન્ટરનેશનલ સ્ટાર છે.

શાહરૂખની ‘પઠાણ’ બાદ લોકો ‘જવાન’ની રાહ જોઈ રહ્યા હતા અને તેની બંને ફિલ્મોએ બોક્સ ઓફિસ પર ધમાલ મચાવી દીધી. ત્યારે હવે ચાહકો શાહરૂખની અપકમિંગ ફિલ્મોની રાહ જોઈ રહ્યા છે. તો ચાલો તમને જણાવીએ કે શાહરૂખની આગામી ફિલ્મો કઈ છે.

ટાઇગર 3

સલમાન ખાને ‘પઠાણ’માં કેમિયો કર્યો હતો. ત્યાં તેનું પાત્ર ટાઇગર પઠાણને રશિયન સૈનિકોથી બચાવવા આવે છે અને બદલામાં પઠાણ જરૂર પડે ત્યારે ટાઈગરને મદદ કરવાનું વચન આપે છે. ત્યારે હવે પઠાણ ‘ટાઈગર 3’માં પોતાનો વાયદો પૂરો કરતો જોવા મળશે. એવું કહેવામાં આવી રહ્યું છે કે સલમાન અને શાહરૂખનો આ સીન ‘ટાઈગર 3’ના સૌથી મોટા એક્શન સીનમાંથી એક હશે.

ડંકી

‘પઠાણ’ અને ‘જવાન’થી આ સાવ અલગ ફિલ્મ છે. શાહરૂખ આ ફિલ્મથી તેના ચાહકોને ખુશ કરી દેશે. ‘પઠાણ’ અને ‘જવાન’ જેવી ટિપિકલ કોમર્શિયલ માસ મસાલા ફિલ્મો બહુ થઇ હવે વારો છે સેંસિબલ સિનેમાનો. રાજકુમાર હિરાણી એવા દિગ્દર્શક છે જે ક્રિટિકલ અને કોમર્શિયલ વચ્ચેનું સંતુલન જાણે છે. શાહરૂખ અને રાજકુમાર હિરાણી ‘મુન્નાભાઈ MBBS’માં સાથે કામ કરવાના હતા. પરંતુ પછી તે થઇ શક્ય બન્યુ નહિ.

‘ડિંકી’ની વાત કરીએ તો, તે ડિસેમ્બર 2023માં રિલીઝ થશે એવું કહેવાય છે. પરંતુ આ મુશ્કેલ લાગી રહ્યુ છે કારણ કે ફિલ્મ રિલીઝ થવામાં ત્રણેક મહિના જેટલો સમય બાકી છે અને તેનું ઓફિશિયલ પોસ્ટર સુધી પણ હજુ બહાર આવ્યું નથી. શક્ય છે કે મેકર્સ તેની રિલીઝ ડેટ 2024માં શિફ્ટ કરી શકે.

સુહાના ખાન ફિલ્મ

શાહરૂખની પુત્રી સુહાના ખાનની ડેબ્યુ ફિલ્મ ધ આર્ચીઝ 7 ડિસેમ્બર 2023ના રોજ નેટફ્લિક્સ પર રિલીઝ થવાની છે, તે પછી તેની અપકમિંગ ફિલ્મ સ્પાય એક્શન થ્રિલર હશે. આને ‘કહાની’ વાળા સુજોય ઘોષ બનાવવા જઈ રહ્યા છે. શાહરૂખ અને ગૌરીની કંપની રેડ ચિલીઝ એન્ટરટેઈનમેન્ટ આ ફિલ્મ પર પૈસા લગાવશે. સુહાના જાસૂસના લીડ રોલમાં હશે. જો કે આ ફિલ્મમાં શાહરૂખની પણ મહત્વની ભૂમિકા હશે. તે સુહાનાનો હેન્ડલર બનશે.

ટાઇગર vs પઠાણ

‘પઠાણ’ની જોરદાર સફળતા બાદ આદિત્ય ચોપરાએ સલમાન અને શાહરૂખને એક ફિલ્મમાં સાથે લાવવાનું નક્કી કર્યું. આ ફિલ્મનું નામ ‘ટાઈગર વર્સેસ પઠાણ’ હશે. ફિલ્મનો વિચાર ‘કેપ્ટન અમેરિકાઃ સિવિલ વોર’થી પ્રેરિત છે. ટાઈગર અને પઠાણ વચ્ચે કોઈ કારણસર મતભેદ હશે. બંને લડશે અને પછી અંતે સાથે આવશે. ‘વોર’ અને ‘પઠાણ’ બનાવનાર સિદ્ધાર્થ આનંદ આ ફિલ્મનું નિર્દેશન કરશે. કહેવામાં આવી રહ્યું છે કે ફિલ્મનું શૂટિંગ 2024ના શરૂઆતના મહિનામાં શરૂ થશે.

પઠાણ 2

શાહરૂખ હવે થોડા સમય સુધી માસી ફિલ્મો કરવા જઈ રહ્યો છે. આ એવી ફિલ્મો છે જે ક્વોલિટીના હિસાબે ભલે શ્રેષ્ઠ કામ ન હોય પણ કમાણીની દ્રષ્ટિએ ટોચ પર રહેશે. ‘પઠાણ’ તેની અત્યાર સુધીની સૌથી વધુ કમાણી કરનારી ફિલ્મ છે અને હવે જવાન પણ તેના કરતા આગળ નીકળી રહી હોય તેમ લાગી રહ્યુ છે. ત્યારે હવે મેકર્સ તેને પઠાણની સિક્વલ પણ બનાવશે. જો કે આ અંગે કોઈ નક્કર જાહેરાત કરવામાં આવી નથી. પરંતુ જે રીતે YRF સ્પાઇ યુનિવર્સને વધારી રહ્યું છે, તે તર્ક દ્વારા ‘પઠાણ 2’ દૂર નથી.

જવાન 2

મેકર્સે ‘જવાન’ના અંતમાં એક નાનકડો સીન રાખ્યો, ત્યાં શાહરૂખનું પાત્ર આઝાદ આગામી મિશન વિશે પૂછે છે. ત્યારે સંજય દત્તનું પાત્ર નાયક કહે છે, ‘સ્વિસ બેંક’. ઘણા લોકોએ તેને સિક્વલના સંકેત તરીકે જોયું. કેટલાક મીડિયા અહેવાલો પણ ચર્ચામાં છે, જે મુજબ એટલીએ ‘જવાન 2’ની કહાની પર કામ કરવાનું શરૂ કરી દીધું છે. આ સમાચારોને ન તો કોઈએ નકાર્યા છે અને ના તો પુષ્ટિ કરી છે.