Bigg Boss 17 House Inside Video: રિયાલિટી શો ‘Bigg Boss 17’ 15 ઓક્ટોબરથી શરૂ થઇ રહ્યુ છે. શોના કંટેસ્ટંટને લઈને ચાહકો ખૂબ જ ઉત્સાહિત છે, અને આ સાથે Bigg Boss ના ઘરની પ્રથમ ઝલકની પણ આતુરતાથી રાહ જોઈ રહ્યા છે. ત્યારે હવે તેમની રાહ પૂરી થઈ છે. ‘Bigg Boss 17’ના ઘરનો પહેલો અંદરનો વીડિયો સામે આવ્યો છે.

‘Bigg Boss 17’ હાઉસનો અંદરનો વીડિયો થયો લીક

‘Bigg Boss 17’ ના સેટ પરથી પહેલો વીડિયો લીક થયો છે. આ વખતે ઘર અન્ય સીઝનની સરખામણીમાં અંદરથી એકદમ અલગ છે. વીડિયોમાં ઘરના સેટનું બાંધકામ ચાલી રહ્યું હોય તેમ જોવા મળી રહ્યુ છે. જેને પીચ અને પિંક કલરના કોમ્બિનેશનથી રંગવામાં આવ્યુ છે. વાયરલ થયેલા વીડિયોમાં કિચન એરિયા અને લિવિંગ રૂમ જોઈ શકાય છે. ‘Bigg Boss 17’ ના સેટનો આ વીડિયો જોયા પછી એવું કહેવું ખોટું નહીં હોય કે આ વખતે ‘Bigg Boss 17’ નું ઘર ખૂબ જ આલીશાન હશે અને થીમ પણ સૌથી અલગ…

આ વખતે છે આ થીમ

મીડિયા રિપોર્ટ્સ અનુસાર, આ વખતે ‘Bigg Boss 17’ ની થીમ કપલ વર્સિસ સિંગલ છે. આનો અર્થ એ છે કે કેટલાક કંટેસ્ટેંટ કપલ તરીકે તો કેટલાક સિંગલમાં એન્ટ્રી કરશે. જો રિપોર્ટ્સનું માનીએ તો આ વખતે પ્રખ્યાત ટીવી એક્ટ્રેસ અંકિતા લોખંડે તેના પતિ વિકી જૈન સાથે શોમાં એન્ટ્રી કરી શકે છે,

જ્યારે ઐશ્વર્યા શર્મા તેના પતિ નીલ ભટ્ટ સાથે, આ સિવાય મુનવ્વર ફારૂકી, શીઝાન ખાન, અરમાન મલિક, ઈશા માલવીયા અને ફૈઝુની એન્ટ્રીના અહેવાલ છે. જો કે, આ કંટેસ્ટંટમાંથી ફક્ત એક જ કપલના નામની પુષ્ટિ થઈ છે, અને તે છે અંકિતા અને વિકી જૈન.

તમે અહીં શો જોઈ શકો છો

આ શો 15 ઓક્ટોબરે રાત્રે 9 વાગ્યે શરૂ થશે. આ શોને તમે કલર્સ સિવાય Jio સિનેમા એપ્લિકેશન પર 24-કલાક લાઇવ ફીડ સાથે જોઈ શકો છો. બાકીના દિવસોની વાત કરીએ તો, તે કલર્સ પર સોમવારથી શુક્રવાર રાત્રે 10 વાગ્યે અને રવિવારે રાત્રે 9 વાગ્યે ટેલિકાસ્ટ થશે.

મેકર્સ પ્રોમોનો શુટિંગમાં વ્યસ્ત

વિવાદાસ્પદ રિયાલિટી શો ‘Bigg Boss 17’ને હવે ઓન એર થવામાં ગણતરીના દિવસો જ છે, સલમાન ખાન આ શોના ઘણા પ્રોમો લઈને આવ્યો છે અને આ દિવસોમાં મેકર્સ તમામ કંટેસ્ટંટ સાથે પ્રોમોના શૂટિંગમાં વ્યસ્ત છે. ‘Bigg Boss 17’ ના ઘણા સ્પર્ધકોના નામ સોશિયલ મીડિયા પર લીક થયા છે, જેમાં ઈશા માલવીયાથી લઈને કંવર ધિલ્લોન સુધીના નામ સામેલ છે.

આ બધાની વચ્ચે બિગ બોસના ઘરની એક ઝલક સામે આવી. ‘Bigg Boss 17’ ના ફેન પેજ પર શોના લક્ઝરી હાઉસનો અંદરનો વીડિયો શેર કરવામાં આવ્યો છે, જે ખૂબ જ અદભૂત છે. આ વીડિયો જોઈને જ અનુમાન લગાવી શકાય છે કે આ વખતે પણ બિગ બોસનું ઘર વધુ આલીશાન હશે. શોના ઘરને રંગબેરંગી બનાવવામાં આવી રહ્યું છે.

શોમાં કેટલાક કંટેસ્ટંટને સ્પેશિયલ ટ્રીટમેન્ટ મળશે

શોની ટેગલાઈન છે ‘દિલ, દિમાગ ઔર દમ’. આ ઉપરાંત તેની બીજી ટેગલાઈન છે, ‘સબકે લિયે સેમ નહીં હોગા ગેમ’, આના પરથી સ્પષ્ટ થાય છે કે ‘Bigg Boss 17’ ની રમત દરેક કંટેસ્ટંટ માટે એકસરખી નહીં હોય. શોના નવા પ્રોમો અનુસાર, બિગ બોસ કેટલાક કંટેસ્ટંટને ખાસ ટ્રીટમેન્ટ અને કેટલાક વિશેષ અધિકારો આપશે. જો કે, કેટલાક કંટેસ્ટંટ માટે આ શો ઘણો મુશ્કેલ હશે.

‘Bigg Boss 17’ ની થીમ બિગ બોસ 13થી ઘણી મળતી જુલતી આવે છે

તમને જણાવી દઈએ કે આ પહેલા બિગ બોસ 13ની થીમ પણ આવી રાખવામાં આવી હતી, જેમાં એક એલિટ ક્લબ બનાવવામાં આવી હતી. એલીટ ક્લબના લોકોને અનેક પ્રકારની સુખ સુવિધા આપવામાં આવી હતી, જ્યારે બીજા ગ્રુપને ફ્લોર પર સૂવું પડ્યું હતું. તે શોમાં સિંગલ વર્સિસ કનેક્શનની થીમ પણ હતી. તમને જણાવી દઈએ કે સિદ્ધાર્થ શુક્લાએ બિગ બોસ 13 વિનર રહ્યો હતો.

અંકિતા લોખંડે અને વિકી જૈનના બિગ બોસ 17 માટે 200 જોડી કપડાં

જો અહેવાલો પર વિશ્વાસ કરવામાં આવે તો, અંકિતા લોખંડે અને તેના પતિ વિકી જૈનની એન્ટ્રીની શોમાં પુષ્ટિ માનવામાં આવે છે. અંકિતા શોની સૌથી વધુ કમાણી કરનાર કંટેસ્ટંટ હોવાના પણ સમાચાર છે. આ કપલે શો માટે 200 જોડી ડિઝાઇનર આઉટફિટ્સ તૈયાર કર્યા છે.

આ શોનો સેટ મુંબઈમાં, સલમાન આખી સિઝન હોસ્ટ નહીં કરે

આ વર્ષે સલમાન ખાન ‘Bigg Boss 17’ શો હોસ્ટ કરવાનો નહોતો, પરંતુ મેકર્સે તેને મનાવી લીધો છે. જો કે, એવા અહેવાલો પણ છે કે સલમાન આખી સિઝન હોસ્ટ નહીં કરે પરંતુ માત્ર પ્રથમ બે મહિના માટે જ હોસ્ટ કરશે. તેનું કારણ તેનું વ્યસ્ત શૂટિંગ શિડ્યુલ છે. સલમાનની લોકપ્રિયતાને જોતા બિગબોસના મેકર્સ પણ તેની શરત માની ગયા હતા. હાલમાં, મેકર્સ સલમાનના સ્ટેન્ડબાય હોસ્ટની શોધમાં છે.

‘Bigg Boss 17’ ના લોગોમાં મોટા ફેરફાર

આ વર્ષે શોનો લોગો બદલવામાં આવ્યો છે. 17મી સીઝનનો લોગો નારંગી રંગની અનેક બારીઓ અને દરવાજાઓથી બનેલો હશે, જેમાં આગ નીકળતી જોવા મળશે.

See more

Bigg Boss 17’માં અંકિતા લોખંડે બાદ હવે રિયા ચક્રવર્તીની એન્ટ્રી ? – જાણો કંટેસ્ટંટના નામ